Wednesday, 29 August, 2012

மணப் பாண்டம்…


சிறு துரும்பு, கல்,
கசடு நீங்க
உலர்ந்த மண்ணென சந்தித்தவ,
பதமாய் நீர் சேர்த்து
நம்மைப் பிசைந்து
களிமண்ணென சேர்ந்து கிடந்தவ,
சரியான பதம் பார்த்து
அள்ளியெடுத்து
மத்தியப் புள்ளியில் ஒன்றமர்ந்தவ,
இத்தருணம்
காதல் சக்கரம் சுழலத் துவங்குகிறது
மத்திய அழுத்தம் சீராக்கி
படர்ந்து பரவ
விளிம்பு நோக்கி உரு தரித்தவ,
பொறுமையையும் பொறுமை ஆட்கொள்ள
கவனமே கருத்தென உயரம் வளர்ந்தவ,
தேவை சேர, கழிசல் நீங்க
ஈரப்பதம் சீராக்கி
சுற்றத்தாருக்கும் உருவம் புலப்பட்டவ,
இன்னும்
காதல் சக்கரம் சுழன்று கொண்டிருக்கிறது
கருத்தாய் முழு உருவம்
முடிக்கும் தருணம்
ம்ம் எனும் ஒற்றைச் சொல்
உலர்தலுக்காக காத்திருக்கிறோம்
இன்னமும் சக்கரம் சுழற்றிய படி

No comments:

Post a Comment